Archive | Poems RSS feed for this section

Ou Pi Sweet

2 Aug

Si m Sweet, se ou ki siwo m

Si m monte twò wo, ou desann mwen

Sou tèt frèt ou toujou kenbe mwen

Ou se ti kantik ki bèse ti kè mwen

 

Si m Sweet se paske ou detenn sou mwen

Krache w mwen pile ou di mwens mwen vale

Savann dezole se pa yon kote mwen janm pase

Depi ke se sou lanmou ou mwen ap navige

 

Bay lemond mwen pwale Tweet

Ke si m Sweet, ou pi Sweet

Mwen pwal di yo tout sou Facebook

Ke mwen jwenn yo bèl boubout

Pou Ou

28 Nov

Ou kite tout fanm ou nan nanm mwen

Ou kite gou lang ou nan bouch mwen

Ou kite chanmchanm ou andedan chanm mwen

Ou fè m sal douvan mwen tèlman ou grate jenjanm mwen

 

Mwen pike kè ou, ou senyen lanmou

Ou di ke sèl souri mwen soulaje pèn ou

Touche m ka mete sik sou pòpòm ou.

Mwen touche kè ou, ou danmou m fou

 

Lè mwen sekle zèb jaden w

Se Laroze w mwen enspire

Kokoriko m chante nan maten w

Sou mwen bonè jounen w mize

 

Pou ou, ou te ka fanm mwen

Pou yo, ou te ka vann mwen

 

Lè ti bourik ou swaf myèl

Li vinn bwè dlo nan gagann mwen

Ke li fè cho, ke li fè fret anba ble le syèl

Ou toujou vle dòmi nan savann mwen

 

Tan lontan mwen te sou brenzeng mwen

Sou soprano ou te gen tan monte pou chante

Do Re Mi… FaSil La Ou Sou Do

 

Pito mwen pe pou m pa di si m te

Pito n kraze yon kite sa pou w pa mete m sou sa

Pito l pa konnen ke se mwen ke ou vle

Pito m fè a dwat, pito w fè gòch tan pou n ta…

Lè n ap chat

16 Jan

Lè n ap chat ou mete m alèz

Ou twoke non mwen pou TiBlèz

Ou fè kè m kontan menm lè mwen pa nan bon tan.

Lè n ap chat ou fè m fremi, ou fè m souri

Bouch mwen chire jouk bò zorèy mwen.

Lè n ap chat ou satiyèt lespri mwen

Dwèt mwen lejè kou plim, lè se avè w m ap Chat;

Dwèt mwen peze nenpòt ki touch

Y ap ekri sa mwen resanti… Wouch!

No Dyòl to Talk, No Dwèt to type.

Mwen tande ou k ap ri tou

Vwa a sòti byen lwen, trè lwen

Men mwen santi ou pre kòm, mwen santi ou pre kèm

Si pre ke mwen pran odè savon twalèt kò w.

Ou gen sant la roze sou jaden prentan

Ou gen sant yon dlo sous ke solèy jen ap rechofe

Yon fèy sèch premye novanm kap tonbe pou salye gede

Ou gen sant yon pye pen ke la nèj ap karese.

Mwen ka pase 4 sezon ap Chat

San mwen pa wè ti chat ou

M ap toujou souri depi ke chak swa nou ka Chat

Paske mwen pa sou fè pa chat.

M ap Fou

13 Dec

Mwen santi m ka fou
Kò mwen pran yon lòt direksyon
Men GPS kè mwen pa janm chanje destinasyon
Se ou ki toujou nan gou mwen

Lè mwen pèdi nan dezè konfizyon
Se souvni lanmou w ki gide pa mwen
M ap fou si lannwit pa vin jou
M ka fou si w toujou ap fè m fè joujou,

Mwen reve yon gwo lakou
Kote timoun nou ta jwe lago kache
Kote Kachkach liben pa janm sere liben

Mwen janbe yon kafou
Kote mwen kite santiman mwen tache
Kote limyè lanmou ou toujou limen

Mwen pap fou

‘til I WIN

13 Dec

‘til I WIN
I can run under the rain but it never rains when I run
Oh, I’d like to have fun under the sun
But it’s never sunny when I am being funny
Life is not itself without the .if.
If only we knew how to celebrate its gift

I can dance and jump over fence
Oh, how I’d like to wake up in France
But my dreams don’t raise tent in its continent
Life is nothing near what you think
But your thinking may dress up your life

It’s way past 3am
I am writing while eating M&Ms
I don’t make much sense
But there is no such grade as an M
So I turn it over to get a W over Life
Because it isn’t over ‘til I WIN